Las accions de Gascon@s cap e tot

Lo Mont, lo 2 de març de 2020 (02/03/2020) - Mobilisacion endé la PPL 2548

Au mes de heurèr de 2020, en seguida de l'abséncia a l'Amassada nacionau deus 3 deputats landés (Fabien Lainé, Lionel Causse e boris Vallaud) au parat de la discutida e deu vòte en purmèra lectura de la PPL 2548, propausada preu deputat Paul Molac, l'IEO 40 - Gascon@s Cap e tot qu'interpelè los elegits dens ua letra. Que brembam que dens lo tèxte votat fin finau aqueste jorn, l'ensemble deus articles relatius a l'ensenhament qu'estón arrefusats.

L'IEO 40 que s'engatja a contunhar a informar e sollicitar los deputats landés, mes tanben los 2 senators de las Lanas, la dauna Monique Lubin e lo sénher Éric kerrouche, endé qu'un tèxte mei complet e sia votat, pr'amor qu'es l'aviéner de la lenga qu'en en jòc.

Mei d'informacions suu tèxte e suus vòtes, www.observatori-occitan.org.

L. Gòsset, President de l'IEO 40